सगुण स्वरूप जरी ते मूर्तीत कोरलेले
कोंदून राहिलेला जगतीं तमाम आहे
नाहीच मीही केवळ मूर्तीस पूजणारा
माझ्याहि प्रिय प्रभूचे सर्वत्र धाम आहे
ज्याच्या करांत दगडा देवत्व प्राप्त झाले
तो शिल्पकारही मज देवासमान आहे
त्याच्यापरीच येथे साऱ्या चराचरात
दिव्यत्व जे असे, त्या माझा प्रणाम आहे
वसला जरी प्रतीक-स्वरुपात जन्मग्रामी
रघुवंशनाथ थोर करुणानिधान आहे
जे जे असेल सुंदर, मांगल्यपूर्ण येथे
नित सर्व त्या ठिकाणीं माझा श्रीराम आहे
- माधुरी
